Gabay: Dadkii waxaan ku Nacay

--------------------------------------------------------------------
Gabaygan sayid ku sababta uu u tiriyey nasiib daro nama soo gaadhin . sayidku waxuu ku halqabsaday darwiish la odhan jiray Xirsi Diihaal Halanje waxaa gabayga ka muuqda canaan, hanjabaad waxuu yidhi:-

Xirsiyow dadkii waxaan ku nacay,waa damiinnimoe
Wuxuuba waan dufulo waalan aan,doocna garanayne
Dawadooda meeshay ka heli,deyiba maayaane.

Doqonniina keliyey u lumi,nimanka Daaroode
Waa niman ibleys duufsadee,dow ka dhaadhiciye
Waa niman Ilaahay ka dedey,labada Daaroode .

Waa niman dariiqada Alliyo,diinta caasiyaye
Waa niman shareecada dulmiyey,iyo Daraawiishe
Waa niman digniin aan ka qabin,dabaqi naareede

Waa niman darxumo kaaga iman,deeqii loo galo e
Waa niman dalaadaha ku qubi,derejadoodiiye.
Waa niman dad kale raacayoo,deyr ka dhaadhiciye

Waa niman dibadduu bexee,sii dabayshadaye
Waa niman canjeelkii dorraad,daawadii furaye .
Waa niman qalbigu diiq yehee,doorsanoo falane

Waa niman dubaaqoodu yahay, inay dareeraane
Waa niman dagaalkii kufriga,iigu duurxuliye .
Waa niman aan lala doonahayn,dux iyo liibaane

Waa Niman habaar loo dujee,duco ka beydhaaye
Waa daallimiin lagu hurshaa,dab iyo baaruudee.
Waa niman dad iyo maal Ilaah, dumug ka siiyaaye

Waa nimanka dacaygii ku jiray,daaldhaha ahaaye
Waa nimanka Deylkii hormaray,dabada dhuubnaaye

Waa niman sidii dumar haween, muranka daynayne
Waa nimanka doobbiga noqdeen,duud xammaalka ahe
Waa nimanka doofarka qalan,doog iyo abaare.

Waa niman digniin aan ka qabo, duq iyo waayeele
Waa niman dareen iga galaan, deyrka meersadaye
Waa nimanka daacuun jaryow,diley ikhwaankiiye.

Waa niman aan dib u fiirinayn,duug waxay noqone
Waa niman danbaabaan waqood,daahir noqonayne
Waa niman dafiray oo ka tegey,daacadda Illaahe.

Waa niman dillaalkay cuneen,deyn ka buuxsadaye.
Dibindaabyo waa niman wax badan,ila dul jeerraaye
Waa niman dakanadaydii qabaan, duudsi noqonayne

Maandhoow nin ciil dilahayoo,duuban baan ahaye
Dadabtii la ii dhigay ma galo, toban diraacoode
Waxa diifta ii yeelay waa, caro daraaddeede.

Haddii doobka caano ah iyo karuur,dacalka lay saaro
Haddii darib la ii soo dhigiyo,duqus la geedeeyey
Dibnahayga soor uma furoo,waa diqaysnahaye.

Soomalidii baan u dudi, daadufka ahayde
Sooamlidii baan u dudi,daadufka ahayde
Soomalidii baan u dudi,daadufka ahayde.

Waxaan daabacuu rabinayaa,dabadkii Iidoore
Dul-ku-neefle oo idilu way, daalibahayaane
Ha yeeshee dubbaha waxaan la sugi,Doofil iyo Giibe.

Waxaan duullaankuu bixinyaa,duulka reer Dalale
Daa'ira san baan sugahayaa,dayrtan dabadeede.

By: Ahmed H Aden <Shaxda Buuhoodle> (Shaxda.com)