Gabaygii: Raad Gur
-------------------------------------------------------------------
Gabayan waxuu jawaab u yahay gabay uu soo tirshay nin Habar-jeclo ah oo la yidhaa Cabdi baraar,waxuu ma riyey gabay la yidhaa Gabooyaley Hadaanu ka sooqaadano, hadaliisii qeybo ka mid aha waxaa ka mid ah,
Galool Hadimo nimankii sengaha labo gadaynaayey
Goofaartankii reer Shawiyo iyo Gorod markuu duulay
Gudguduudka waabari markuu golos la heenseeyey

Mar inatass buu yidhi, mar kalena intan buu yidhi
Maahmaahda guunka hadaan gaban ka soo qaato
Markuu gaafey Cali-Dhuux, Salaan hadaladuu gaystey
Isagoo gunaafyo xunxunoo go'iyo qeyraan leh
Oo gorofka caydheed sitey xero u gangaameene
Wax igabayba Habar-yonistaa siisey naag gob ah'e
Haaweyda gaanuugsatey oo goonka dhabanayso

Marna Intan buu yidhi.
Qaruumaha wax badan baa gadmay taad ka gabaydeene
Guntimada xargaga maalintii geydho ololaysay
Golol maalintii la isku galay gobollka Naaleeye
Gal galuufka leexda markii guluxa la eryaayey

Markuu Cabdi Baraar intaa lee yahay,oo faanayo waxaa jirtey gabay uu nin Biciido,Habar-jeclo ka tirshay dagaalkaas oo wa kii lahaa
Inkastoo ragoodii ku lumay raacday libintiiye
Raftankii Xargaga maalintey raaxad ololaysay
Markay raacdo raacdada ahayd sidii naq raacayso
Rabaq rabaqda goortey candhada ruuga marinaysay
Oo raamo weynoow Ratigu daba rukuucaayey
Nin raxaafadkeedii ogaa Nabad ma raadsheene
Miyeynaan rogayn ceebta waa la iska Reebaye

Hada gabaygaasinu waxuu ahaa gabay Habar-jeclo tirisay markuu Cabdi Baraar faanayo,uu leeyhay wax baanu baacsanay Habar-jeclo baa la weydiin maalintaas CEEBTA ay iska reebayeen sida aad gabayga hore ku arkayseen Hadana waxaan u galaynaa Jawaabtii Saleebaan xaaji faarax oo ka jawaabaya Gabaygii "Gaboooyaley" ee uu marshay Cabi Baraar .Saleebaan waxuu yidhi:-
Mar hadaanu gabaygu lahayn guurti kala saarta
Oo aan gudiyo loo tagayn gole wax qiimeeya
Oo aan gefkiyo laaxinkii cidi ka goynaynin
Abwaankii la gaatiyo shanley la isu geegeeyey
Mar hadaan lakala gaabsanayn garasho la is dheere
Alleylehe Gullaamoow murtidii waad gagabiseene.

Gujadiisa kama maarantaan waadna gurataane
Adna inaad gadaal soo bax tahay galowgu ii sheegye
War gantooban hadal aan gadmayn baal gorgorisaane
Xigmad godan galayn maansiyo, eray ma guuraan ah
Gargaar Eebbe mooyee dhul aanu gabayga kaa saarin
Golal iyo hab waa lagu gartoo aniga ii gaar ah
Gurmoodka iyo geel doojiyuhu haba galooleene
Taariikh gundheer baan sidii gooni qorayaaye

Geed kale sooyaalkan aad go'a tusaalaysay
Adaa yidhi gabaan baad hayd gooshashkii hore'e
Inaan ugu gu' weynaa dadkoo garasho diidaysid
Googaalaysan maynee runtaan kuu gudbinayaa

Anigoon gargaar cidi isiin garabna lay taaran
Adna aad bixisid gibir baan xornimo weerarkeed galaye
Gadh wadeenka adigaa u ahaa, gaaladii Yurube
Madfac lagu gabaarmiyo hubkii gulun gulcaynayey
War waa taad gabaadkiyo halkii gogoshu ii taalay
Inta aad tilmaan lagu gartiyo siisay gacan haadin
Gaashaandhig Soomaliyaad guba tidhaahdeen

Mana gocanin eedaad gashay oo la igu gaasiray'e
Ninkaygii intaa soo galada gurayey raadkooda
Gudcur kana cadada kaaga dhigay waanad garanayne
Mar hadaad gadaal soo bax iyo gaabis igu sheegtay
Ma gedmane ayaamahu Cabdow waa isku gurayeene
Ma googin qoraalkii la dhigay geedna qarin waaye
Galabna kuma dhamaadiyo aduun maalin galinkeede.

Adaa goor dhawayd iyo doraad soo galgaal baxaye
Miyaad ila gudboonayd shalaybaa geelu kuu dhalaye
Dawladaha guunka ah markaanu is garaacaynay
Malaa maato soo goosantey baad godolo hayseene
Gefna kama madhnayn oo inaad gabayday ley sheegye
War ma anaad abaal ii gashay oo gudi aqoon waayey

Afartaa murtidii guurtigiyo, gabay Nugaaleed dheh
Goodiga xalmeed iyo Taleex gaaxdii xaysimo dheh
Galaxyada banaan soolalshiyo geedka saynta leh dheh
Oo Jiidali gunteediyo Saciid gumucyadiisii dheh

Godka maxanba Yeyle iyo Gudaha caymeed dheh
Garka sariyo oogada waxii haro ka geeseeye
Geesigii Ismaaciil inta uu gaydho ku xareeyey
Amase uu ka geeraaray Cali, gobolladaydii dheh

Gaabo iyo Caynabo haday gacalo kaa hayso
Buuraha dushoodiyo adigoo calaha guud saaran
Gulaankiyo xeebtiyo adigoo guban ku meeraysta
Goortaan ku soo gacan qabtoo kuu gargaar fidiyey
Oo goofkii aan anigu qoday oo biyaha gaadhay
Adoo gooman goortaan ku idhi dhigo gandaalkaga.

Gaadiidka goortaad heshoo Awrta lagu guuro
Guraha iyo jiicaad tiqiin iyo galoolkiiye
Gargaaro iyo doomar markaad baratey geed saarka
Oo gaagaabka waa taad ahayd wada gamoorayd eh
Sidaydii markaad gaanburtay oo Geriga le ekaatay
Ayuun baad ged kale soo baxdoo toban ganlayseene.

Ninse gardaadshay baa dawladnimo loo gurguriyaaye
Garaado iyo maal kale haduu Gaani bixinaayey
Waa loo gudboon yahay waxii qaladi waa gaare
Gunana waxaa la siiyaa ninkii kaalinta u galay
Ninse gurguurtee lama raacsan karo goodir dayr dhalay'e.

Illaahii gayi uumayoo gooday baa jira'e
Dadkuna ma aha gumar iyo dhalool gawlal iyo jiice
Guulaafo diday uumiyaha gebin ahaantiise
Hadii adiga lagu gowdhiyood aad ka gami weyday
Garanuugta eydiyo sidii goodir haw didine
Gadaafadu xaq kama xoog badnee gollaha maad keentid.

Hadaadse adigu guura rabtiyo galab carawtiinka
Oo shalayto kii ciida gaday daba guclaynaysid
Shisheeyaha gargudubka hadaad gogol u doonaysid
Oo aad go'aanka Ingland yaal galisay laabtaada
Gidi geedna Soomalidii gibile kaa fuushay
Oo aad godoon tayoo dadkoo idil ka guulmayso
Guubaa badaadani majiro ciday galaysaaye
Inta kale garkay qabanaysiyo goolka ay dhaliso
Galad iyo abaalmarin waxay kala gudoomayso
Maxaa adiga kaa galay ninkaa guuray baad tahaye.

Mareexaanka gaanka intaad guusha ka xasdaysay
Gol dalooladaad inaad garato fiicnayde
Gudcur inaad xulaysiyo inaad sahan ku guurayso
Inaad gaadhay libin iyo inaad gebi ka laadlaado
Gu'gii da'ayba adigaan ogayn gees uu kaa xigo'e
Gudan muusanow iyo intaad gudin la soo roortey
Guntan iyo Afmuudka xidka maraya guudkooda
Waa waxaad u gaadoo ximruhu geerida u dhigay'e.

Abwaan jiray guyaal badan waxuun baad ka gunudaaye
Nimankii garoomada xidhnaa odayadii geeshka
Gaanane Khaliif iyo waxaan Bile ka soo gaadhay
Hadaan loo garaadayn rayiga gabe halkiisiiye
Gamaana waxaa la qaadaa markaad garab u haysaaye.

Markaad adigu geenyadan is tidhi xalay gawaan raaci
Guud quruxsan heensaha adoon gacan togaalaynin
Waxba meel ma geynine intii lagugu soo gaadhay
Sidii goosan weer helay markii lagugu geesaasay
Goonkaa ku jabay baan waqii laga geyoonayne.

Intaadse adigu good labo afliyo guud cadaha raacday
Gacmahaaga adiga baa ula tagay lama garaacaane
Gaatame libaaxow waxii, ganaya eegaaya
Gardarada maroodiga maxaa adiga kuu geeyey.

Garaad taliye waligaa hadaad gabay jareexayso
Ama aad gunuustoo xumaan gowska ugu hayso
Wax ma gaadhin ciilkuna aduu kugu gadhoodhaa
Waxaan uga gol leeyahay naxwuhu yuu ku gees marine
Axmed waxaadan sheekadan guracan ugula gaafmeerin
Inuu yahay garsoore cilmileh niqin gar-eexaadka
Sidii buu gudoonka u jaraa geed labna u yahaye .

Sidii baa magaagaxe rayiga looga gurayaaye
Goobtuu fadhiyo wa amidaan cidina gaadhayne
Hadaad toban guyaal iyo ka badan hore u soo guurto
Marna inaadan soo garab degayn geli calooshaada.

Kaaraha ka guuxoo Nugaal midabka giirgiiran
Nina geela kuma raaco iyo guunyadoo dhaqaye
Waxse la yidhi gumaystiyo dilaal goohayaa jira'e
Wax la yidhi Waraabihii galbeed wuu gurxamayaaye
Lamana rabo abeer gaanbiriyo gool inuu cuno'e
Gobanimada iyo calankan uu noo galaday Eebbe
Gardaalihii raba inuu gooyo xadhigiisa
Gaadhweeye qarankaana diray inay gumaadaane
Maka giigtey waa taad istidhi soo gol qabateeye.

Iskana gayso lama doonayiyo tiriyey geeraare
Lamana guulo maansadii ninkii kaaga guluc dheere
Golena lalama tago hadalka kaar kuu gar noqonayne
Waxaa jira Arimo kaa gu' weyn aadan garanaynin.

Gobaysane ragii noo dhashiyo gebi ahaan toodba
Gudoonkooda odaygii lahaa iyo galaaskooda
Geeskiyo Shaxduu degi jiroo guuyo ku lahaaye
Gurmoodkaa dugsiga lagu baraa gumucyadiisiiye
Kumana gaadhin Cali-Adan, oo kuuma soo gudune
War waa goorma goortuu tolkaa gorof u waabeeyey?
Gabaan yahow hadaad caalinkii been ku gabanayso
Godka iyo Xabaashii anigaa geeyey Ubax weyne.

Waxaad tidhi gabooyaad tihiin soo gabraar sadaye
Gabdhaha iyo hooyooyinkii guriga noo joogay
Iyagiina goonbaaro tidhi iyo geyaan ma aha
Marna tidhi dad gacalaynu nahay oo aad garanaysid
Oo aad tidhi cid bey wada galaan odayaduu guudku
Ku galgalatey haasawihii garan gartiisiiye
Gar waa loo Islaam ceebse waa lagu gumoobaaye
Hadaan labadu meel wada galayn gees iskugu leexo.

Anse inaan haweenka u gafaa gebi ahaan toodba
Gob baan ahayn afkayguna ma geyo oo ka gaananiye
Ragbaa dirirtamoo oo la mid uun godobtu raacdaaye
Guntii hadalka gowdiyo runtaan kuu gudbinayaaye.

Anoon anigu eed kaa gelin oon guudka kugu saarin
Intaad tiris isu wada gaysay oo guuro bahalaysay
Oo aad aniga iga goosatoo ii ged bixi weyday
Gudaha iyo dibedaba intaad ganafka ii taagtay
Oo aad garbo qabiil is tidhi gaar wax ugu doono
Godka hadimo waa taad qodeen oo ku gubateene .

Duulaan gadoodiyo intaad gulufka heensaysay
Oo aad gantaalaha qafilan marisay Gaaroodi
Meel kaleba idinkoon gilgilan oo waxba u gaysan
Sidaad neef la gowracay tihiin geedo kama waabte
Guryihii iyo caruurtiinii baad gaas ku qabateene.

Golahii Hargaysiyo Burcaba waa Gawan madhane
Halkii maalka lagu gadi jirey bey Gorayo daaqdaaye
Googoos xariir ihi ma yaal Go' iyo Laaleys'e
Kamana baxo gol ceedeed sabaax guradu buuxdaaye
Idinkaa gelgelintaad ka dhigay gumaradiiniiye
Intase aad guga hooray iyo geedo ka hayaantey
Gol qaniin leh waadigan degoo guulay oomane'e.

Gadh cadaaga iyo ubadkan aad gaxadhka jeexsiisey
Naagaha ganbada tuurayiyo gaarida asqowdey
Adigaa gamaada dhigayoo geerida u kaday'e
Gorgorka iyo jidhkoodii maxaad guduuriga u siisay
Waad goodiyeysaa adigoo gawli kugu taale.

Iminkaa gabaydhuhu cidlada kugu garacaaye
Intase gaajiyo haraad gaagan hadhan laasan
Waxba yuu gumaysigu faraha kuu godaan godine
Waxaan guunyo kugu dhaamo waan kuu gurmanayaaye
Iska soo gal maantana aniga baa kugu dhaw gacale.

By: Ahmed H Aden <Shaxda Buuhoodle> (Shaxda.com)