Gabay:Ismaaciil Mirow

----------------------------------------------------
Ismaaciil Mire oo guuto Daraawiish oo korjooga ah ku haysta buurta Ceeldhaab dhulkana wax degma ah aan lagu ogeyn ayaa ilaalo diray,dabadeedna wuxuu ogaadey iney tahay degmo Daraawiishta dakana ka qabtay oo guban ka soo baxday.Kolkaasuu Sayidku wuxuu u direy gabay fariin ah oo hadaan inyar ka soo qaadano gabaygiisi qaar ka mid ah waxuu yidhi:

Aabbow xaqaygii ma deyn,igana duugoowye
Nimankii ikhwaankii dilaa meel dhow soo degaye
Dabka xalay Badweyn iiga baxay,waan ku diirsadaye

Gabygaa markuu Sayidku maqlay,waxaa u muuqatay hadalkaasu inuusan Ismaaciil ku habboonayn,oo uu dadkii kala dididey,dabadeedna wuxuu jeediyey canaan waayeel waxuuna yidhi:-

Ismaaciil Mirow taladu waa, eyddin kaa maqane
Maandhow umuurtaadu waa, ababa'deediiye
Maandhow adduun wuxuu ahaan, waadan idihayne

Maandhoow aqoonxumadu waa, ku ambinaysaaye
Maandhoow ninkaan edeb lahayn, waa allow sahale
Maandhow aqliga hayska lumin.Eebbahay magane

Maandhow raggii aakhiraad,igu ohomsiine
Maandhow sidii ibilka way,ololineysaaye
Maandhow waxaad igu akhriyi, uurkutaallada e

Maandhow ikhwaankii ma deyn,urugadiisiye
Maandhow alleylkii dhaxaan,alaladaayaaye
Maandhow ilmada hayga qubin, kaa afeeftamaye

Maandhow nin umal saaqayoo,uurxun baan ahaye
Waxaan awlaxuu rabinaya,aarsi dirireede
Maandhow awaal dagatay baan, aawilahayaaye leh

Maandhow ducaaliyo Ammaan, waayey araggoode
Maandhow kuwii iga ajalay, waa orkaa bixiye
Aniguba ayaamaan lahaa,ha isallaweene

Maandhow abaabaan ku wadi, abadankeygiiye
Maandhow dadkaad eriday baan,ururinaayaane
Maandhow "ooho" baan oran sidii aaran baadiyahe

Maandhow intay igu iman, odayadoodiiye
Maandhow illiilahakaney awr ku soo furiye
Maandhow bari soo ekaan adhi, sidiisiiye

Maandhow ixsaan lagama tago eed haddaad faliye
Maandhow ninkaad iniqdo waa, ku oggalaadaaye
Maandhow hadaan inamo,raro wey i aaminiye

Maandhow idday waxaan ku bogan,waa irdho la'aane
Maandhow ninkaan aa'i waw,aamusahayaaye
Aflagaaddadaadaan ka biqi,inay ogaadaane

Maandhow siddii aarka dhici,waw ilgalaclayne
Maandhow ilaaq baan ku wadi,aarankaan diliye
Maandhow ku eersaday hadday,iga irdhoodaane

Maandhow ugaadhaba xirkaa,laga agloolaaye
Maandhow urtaan mari sidii,adamaddoonkiiye
Maandhow arbaha hayga didin,oofataan ahaye

By: Ahmed H Aden <Shaxda Buuhoodle> (Shaxda.com)