Dooynet Gabayada qoraalka ah


	Gabay: Girligaanka iyo Rayfal ---------------------------------------------------------- Gabayga Dhuldheer ee meeshan ku jira markuu Adan carab tiriyey ayaa Jaamac Dayuurad oo ahaa reer Biciidyahan ayaa gabay soo tiriyey isagoo ka hadlayaa dagaalkii Dhuldheer ee dhacay , 1957 markaasuu gabay tiriyey ka hadlayaa sida wax u dhaceen iyo isagoo leh Gaalo baa idiin hiilisay, dhulkaas Ciidna, meel gaalo cag saartey ma aha,Hareeri turmaag, jinacle, dhuldheer waa waa Hawd libaax iyo nin geeljire ah oo hal daba socda mooye cari gaalo cag galin karto ma aha, bal inta aan ka hayno gabaygii Jaamac Dayuurad aan soo tuuro goyno Abwaanku waxuu yidhi:- Garoomada la xaadhiyo dhulkoo geedka laga saafay Girligaanka iyo rayfalkoo gurada loo buuxshay Gidigiiba shirshoore fadhiya geelada xeradiisa Goortii shamsadu soo gantay ee garabka soo taagtay Biciidyahan in uu maalin galo waa gudoonsadaye Garaad Faarax nama liiliyeen guutadii bariye Barkadkii gafuurada xumaa geel ma dhiciyeene Gaaladu haday maqan tahaad garan lahaydeene Intaas markuu yidhi, Jaamac dayuurad, ayaa Adan carab u jawabay isagoo arimo badan ka hadlaya waxuuna yidhi:- Wiilyahow adoo gegi hurdaad gama riyootaaye Markaasaad gawaan iyo dhulka geeyo diriritaaye Malahayga gees ka lama kicin gabaygan soo jeedshay Mar hadaanan maansada gafayn kala goblaylaynin Jeer aad genbiga soo gadaan gole fardoodkayga Geeraar idiin kama furnayn gaafkii dhuludheere Inaan hadal gantoobe waa ii gulashadiisiiye Garoomada la xaadhiyo dhulkoo sida gadiidkaas ah Girligaanka iyo rayfalkoo gudaha loo buuxshay Gidi uma dhamaanine intii geela ka xagaysay Anagoo surwaal gaaban iyo garanku noo saaran Aan geel dhaqnay baad nagu gadaanteene waxse lama gedimoone ku gade goobataal madhane waa taan gawaantaa helay goobtii xeegada'e Godka laguma naaroow duqii nalaga soo gooyey Gudban in uu calool galay la sheeg waadna garateene Hadii shalay gadood xuni ka dhacay gaydho xeradeeda Gardo iyo ninkii godan dhashaybaa goobta teelmadaye Waligayba geel kagama qadin gar iyo duulaane Gaashaanka iyo xoolihii aad guul itidhi raacye Galad waxaad ka dhigateen halaha goonida u didaye Mar hadaad gun tahay aad ilmada gabax ka siinayso Aan geesi reer baqaha dheer idinku gaadhsiiyey Aan boqol gadhliyo kaala hadhay goondharkiyo kiingkee Aan gaabiskiyo dhaawacii gudimadu qaaday Uu dumarku gaaleef la dhacay galan gal coowgiina Aan gorayo cawl idinka dhigay gaalo lagu ooyin Aan goobta helay weys ogayn gelin danbeedkiiye Aan gabagabayn labadii subax idinka gowsiiyey Aan gogol fayoow lagu ogayn gebi ahaantiinba Ay gar iyo kuul xidhan yihiin goofa mada sheegay Aan guunyadayda iyo naftii galab xalaaleeyey Aan garab la dooniyo lahayn gaaleef iyo haayin Aan gudhiyey faankiyo anigaa gaalo'eri sheegta Aan waliba guutada la bixi gu'ga aroosaaya Aad gowracdeen inamadii idin gawaan raacay Aad naago guryaha ugu dhacdeen xididku waa gaare Aad gabadh u xeerteen tolkeed in uu ku guureeyo Aad inan danbaad ganacsataan idinka guurbeeshay Aan duul gayaa ugu dhaqnayn xidid inoo geeya Aan galalacdeediyo la rabin gaarinimadeeda Aan yarad gabaati ah nin wada laga gudoomaynin Ay gabowga xaaraan ku dari gedo markay joogto Aad garab gasheen xabashiyo gaalo doqonteeda Aan gaaskayaga loo ladayn gudo mareexaana Aan goodir mooyee xilkii jeesku qaban waayey Aan gubad tilmaalaha beryahan guri cas loo yeelin Aad gadasha awrta u xidheen garaw haduu duulo Aan gaanlihii reer wacays wada garsaafaynin Gu'aawaday uga galbaday goosayga iyo toomo Ay guulankeedii tahay ina shiil gocosanay dhaaftay Gashii yare magtaad uga idlayn waa go' iyo qayde Gini giniga duulane xukumay garow qadhaadh siista Libtana hay garaabine u diid Ina-Garaad Faarax Mindha kugu garaadkeenu waa gogol fagaareed'e Hartigu wuxuu godad lahaa gu'iyo deyrtiiye Ma ganbaysan naagtii la dilay geesigii qabaye Iyadoo ganboolkii sidaad nabad u guuxdeene Durba inaad gacmaha soo wadhaan waa garaad xumo Gardarada intaan hibanayiyo gocoshadii maaga Guntoo waa caqabiyo Allow gogol wadaageena By: Ahmed H Aden <Shaxda Buuhoodle> (Shaxda.com)